A chini est in cumpangia e a chini est abarrau solu
a chini est chena de traballu e a chini dd’at pèrdiu
a chini boliat cambiai su mundu e su mundu dd’at cambiau
a chini mi bolit beni e a chini mi bolit mali puru
a is chi creint in Deus e a is chi frastimant
a is chi si ghetant a manca e a is chi si ghetant a dereta
a is chi arrint e a is chi prangint
a is chi scint totu e a is chi no scint nudda
a chini no sballiàt mai e a chini scramentat
a chini est bestiu beni e a chini est spollau
a chini tenit dinai meda e a chini est a mindigu
a chini cumandant e a chini aguantat
a totus bollu nai
innantis de nci bogai s’annu bèciu
bogainci sa malesa de su coru
lassai su malu po su bonu
e chi s’annu nou si siat profetosu,
chi siat totu a comenti disigiais
chi siais in prexu e alligria
po sèmpiri de totus stimaus.
A passai beni su 2013.