De su lìburu de Giobe

De candu ses bivendi, as mai cumandau su mangianu

e amostau a sa nea innui si ponni,
pro chi afarranchit sa terra a is càbudus
e ndi scutullit atesu is malus?
Pigat forma comenti de luzana prèmia de unu siddu
e si pintat comenti de bestimenta,
siat negada a is malus cudda luxi
siat truncau su bratzu chi si ndi pesat po scudi.
Ses mai lòmpiu a sa mitza de su mari
e in su fundu suu nieddu passillau as?
T’ant ammostau is gennas de sa morti
e as biu is gennas de s’umbra scuriosa?
As pentzau cantu est manna sa terra?
Chi scis totu custu, fuedda!
Cali est su caminu innui istat sa luxi
e innui istat su scuriori?
ddus podis tui movi a su logu insoru?
ddis scis tui inditai sa bia?
De seguru ddu scis, ca fiast nàsciu giai
medas funt is diis tuas passadas!

—